الأسطورة واحد بس.. اسمه إمام محمدين..”الراجل ده مش مجرد اسم داخل جدران نادي الاتحاد السكندري، ده صاحب البصمة اللي فتحت طريق البطولات في سيد البلد، وزرع الحلم من جديد في قلوب أبناء النادي”.
من قطاع الناشئين للبطولات الجمهورية، ومن بعدها لطموحات عالمية، إمام محمدين صنع قطاع قادر على تخريج لاعبين يلبسون التيشيرت الأخضر بشرف، ويكملوا مسيرة الكيان الكبير.
“لكن رغم كل ده، بيتحارب من قِلة لا تمثل إلا نفسها وبدل ما ياخد حقه، بيتهاجم ممن يدّعون إنهم أبناء النادي”!
السؤال هنا:
هل مجلس إدارة الاتحاد هيحافظ على الراجل اللي بيصنع مجد؟
هل هيساعدوا الأسطورة على حصد البطولات وبناء أجيال جديدة تخدم الاتحاد لسنين جاية؟
“المطلوب مش كتير، بس محتاج قرار شجاع ،والنادي محتاج يتعاقد مع شركة تسويق محترفة، تعرض مواهب النادي من مواليد 2005، 2007، و2008 خارج مصر وعندنا خامات قادرة على الاحتراف الخارجي، وعندنا كنز اسمه إمام محمدين ومعه كل معاونيه وفي مقدمتهم الدينامو كابتن محمود عز نائب رئيس قطاع الناشئين”.
الاستثمار في الناشئين داخل وخارج مصر هو الطريق الحقيقي لصناعة المجد، والمكسب المضمون مش بس فنياً ولكن أيضا مادياً.
“إمام محمدين يقدر يعمل من الفسيخ شربات ..راجل شاطر وعارف بيعمل إيه، ويستحق كل الدعم”.
ايجيبت سكور :
كل التوفيق لنادي الاتحاد السكندري.. سيد البلد وزعيم الثغر.
01091010400 