وجّه الإعلامي تامر أمين عبر قناة النهار رسالة قوية إلى الشامتين في خسارة الأهلي في كأس العالم للأندية، مشددًا على أن هذه المواقف تكشف الكثير عن مفاهيم الانتماء والدعم الرياضي داخل المجتمع المصري.
وقال تامر: “عارف إننا زعلانين.. بس كلامي مش للأهلاوية، أنا بوجه كلامي للسادة الشامتين، وما أكثرهم.. وسؤالي ببساطة: نعم، أؤمر؟”.
وأضاف: “يعني الشماتة دي ممتعة للدرجة دي؟ حلوة في البوق كده؟ قبل ما أسأل مين اللي جابك تتكلم وليه، خليني أسأل: فرحتك دي جاية منين؟”.
وأكد أن هناك ازدواجية في المعايير حين يتعلق الأمر بالأهلي، مضيفًا: “بيراميدز لما كان بيلعب في دوري الأبطال، الكل قال لازم ندعمه لأنه بيمثل مصر، والزمالك في الكونفدرالية نفس الكلام.. طب ليه الأهلي بس هو اللي مش بيمثل مصر؟ ليه نخسره ونفرح؟”.
واختتم تامر أمين تصريحاته بنبرة هادئة ولكن حاسمة: “أنا لا بهين ولا بسب، بس بسأل، ليه فرحانين؟ وليه بس الأهلي هو اللي مستباح للشماتة؟”.
01091010400 