أطلق الإعلامي أحمد شوبير تصريحات نارية عبر قناة الأهلي، عبّر فيها عن استيائه من تجاهل الصفحة الرسمية للنادي تهنئته بعيد ميلاده، مؤكدًا أن ما حدث يُعد سلوكًا غير معتاد داخل منظومة الأهلي.
وقال شوبير: “اتعودنا في الأهلي إن الصفحة الرسمية تنزل تهنئة بعيد ميلاد أي حد، سواء بنحبه أو لأ، دي مش مسألة شخصية، ده واجب مهني”.
وأضاف: “النهارده عيد ميلادي ومحدش نزل حاجة، وكنت مستني ده، بس واضح إن رئيس المركز الإعلامي واخد الصفحة توكيل باسمه، وبيتصرف فيها كأنها ملكه، مش ملك النادي”.
وتابع: “السنة اللي فاتت التهنئة نزلت الساعة 9 بالليل بعد تدخل أحد الأعضاء، والنهارده مفيش حاجة، ومش فارقة معايا لو نزلت بعد كده، بس لازم الناس تفهم إنك بتشتغل في الأهلي مش بتشغل الأهلي”.
واختتم شوبير تصريحاته برسالة حادة: “أنا أول مرة أتكلم كده، وأسف إنها ليلة مباراة القمة، بس دي مواضيع مهمة جدًا، لو اتسابت هتفرط، ومفيش حد يقدر يتحكم في إعلام الأهلي”.
تصريحات شوبير جاءت قبل ساعات من مواجهة القمة بين الأهلي والزمالك، ما أضفى عليها طابعًا خاصًا من التوتر والجدل داخل الوسط الإعلامي والجماهيري.
01091010400 