محمد أشرف
أثار المستشار مرتضى منصور الجدل من جديد بتصريحاته النارية، حيث وجّه انتقادات حادة إلى ممدوح عباس، بعدما تردد عن قيام الأخير بشتم والد أحمد سيد زيزو نجم الزمالك، وسط الأنباء التي تتحدث عن إمكانية انتقال اللاعب إلى الأهلي.
تصريحات مرتضى منصور:
•“معلوماتي أن زيزو لسا موقعش للأهلي، ولكن عاوز أعرف إيه صفة ممدوح عباس إنه يشتم أبو زيزو؟ حتى لو مضى للأهلي، دا واحد صعيدي ومعلم من المنيا، ليه تشتمه؟ انت مين يا ممدوح؟”
•“أنا عرفت إن ممدوح عباس شتم أبو زيزو كمان في اجتماع، مش بس على تويتر.”
•“زيزو لاعب محترم ومعملش أي مشكلة، في الوقت اللي شيكابالا كان بياخد اللاعيبة ويمنعها من التمرين، واتفق مع ممدوح عباس علشان يمشي مرتضى.”
•“كل سنة كنا بندفع غرامات لشيكابالا أكتر من 100 مليون!”
•“مفيش أي لوم على إدارة الأهلي، هي ماشية في طريقها الصح، لكن إحنا اللي عايشين في مهازل!”
هجوم لاذع على عباس وإدارة الزمالك الحالية:
•“هو مين رئيس الزمالك؟ نكلم لبيب كشري؟ دا مات، دا لما بيتعادل دلوقتي مع الأهلي بيرقص!”
•“انت مين يا ممدوح عباس؟ بتشتم أبو زيزو وتطرده من المكتب ليه؟ دا انت مشطوب وملكش عضوية انت ولبيب في الزمالك!”
•“مش راجع تاني رئيس للزمالك، لكن بقول لبعض العيال اللي قالت ‘عاوزين نادينا يشوف النور.. بكرا يغور مرتضى منصور’، مين اللي غار دلوقتي؟ النادي اللي غار!”
هل ينتقل زيزو للأهلي؟
تصريحات مرتضى منصور أثارت المزيد من التساؤلات حول مصير زيزو، في ظل الشائعات التي تؤكد وجود مفاوضات مع الأهلي، فهل تشهد الأيام القادمة مفاجأة مدوية في سوق الانتقالات؟
01091010400 