مرتضى منصور يوجه رسالة لـ شيكابالا

مرتضى منصور يوجه رسالة لـ شيكابالا..

وجه مرتضى منصور، رئيس نادي الزمالك المعزول بحكم قضائي رسالة جديدة إلى محمود عبدالرازق شيكابالا، قائد الفريق الأول لكرة القدم بنادي الزمالك، وعدد من نجوم القلعة البيضاء السابقين.

وقال مرتضى منصور، في فيديو نشره عبر صفحته على «يوتيوب»: «بقول لحازم إمام وأيمن يونس وفاروق جعفر وشيكابالا، أنتم حبايب ممدوح عباس، روحوا قولوله الراجل ضحى بالكرسي إللي الخناقة كلها عليه عشان ترفع الحجز، احنا حبايبك بنقولك أرفع الحجز عن الزمالك».

وأضاف: «شيكابالا، كابتن الفريق، كنت أتمنى إن الكلام اللي قاله في السعودية، كان قال المشكلة عندنا إن ممدوح عباس، حاجز على الفلوس ».

وأشار: «أنا دعيت المجلس للاجتماع، عشان أقولهم أوعى حد يستقيل، المسؤولين عن الرياضة مش عاوزين يحلوا مجلس الإدارة، لأنهم يرون وجود المجلس الشرعي المنتخب استقرار للنادي».

وتابع: «الدولة مش عاوزة تحل مجلس الإدارة، ولكن بعض الزملكاوية، عاوزين يحلوا المجلس! احنا عاوزين المجلس يقوم عندنا مشاكل عاوزين نحلها مشكلة القيد الخاصة بمستحقات سبورتنج لشبونة واتشيمبونج، وعندنا مشاكل المرتبات ومشاكل إننا تدفع للاعيبة فلوسها».

وواصل مرتضى منصور : «أنا بره وجايب المجلس عشان أقولهم بعض الحلول عشان المجلس يقف على رجله نادي الزمالك يقوم من تاني، اللي بيحب النادي مش لازم يبقى موجود على الكرسي، الكرسي زائل وملوش لازمة».