✍️ محمد الشريف – ايجيبت سكور
كشف ميمي عبد الرازق، المدير الفني للنادي المصري، كواليس توليه قيادة الفريق بعد الخسارة القاسية أمام سيراميكا كليوباترا، والتي اعتُبرت نقطة فاصلة في موسم الفريق البورسعيدي.
وقال عبد الرازق: “كنت بتفرج على ماتش المصري مع سيراميكا، وفجأة جالي تليفون من د. محمد موسى، وقالي: عندك استعداد تمسك الفريق الأول؟ رديت فورًا: ده شرف كبير ليا، وأنا جاهز من غير أي حاجة ده بيتي.”
وتابع: “قالي هكلمك بالليل وحاول تشكل جهازك الفني.. ركزت وجبت جهاز معاون على أعلى مستوى، والحمد لله نجحنا في مهمتنا بدعم الإدارة برئاسة الأستاذ كامل أبو علي، ومساندة اللاعبين اللي كانوا على قدر المسؤولية.”
وأضاف: “أنا سعيد جدًا إني قدرت أفرّح جماهير بلدي، ونحقق المركز الرابع والتأهل للكونفدرالية ولما دخلت النادي، عرفت إن كامل أبو علي تقدم باستقالته، وكانت صدمة كبيرة بالنسبة لي.”
كما أشار إلى أنه عمل في ظروف صعبة دون وجود مخطط أحمال أو محلل أداء: “لكن كدكتور جامعي، قمت أنا بالدور ده، واشتغلت على الجانب النفسي مع اللاعبين، واللي كان عندهم إصرار غير طبيعي وده سبب وصولنا للمكانة دي.”
واختتم تصريحاته: “شكراً لكل اللاعبين على احترامهم والتزامهم.. النجاح كان عمل جماعي خالص من أجل المصري.”
01091010400 