نجم الأهلي: أعيش تحت ضغط لا يُطاق حاليًا

أثار حسين الشحات، جناح النادي الأهلي، الجدل بتصريحات صريحة حول مستقبله مع القلعة الحمراء، مؤكدًا أنه لا يمانع الرحيل إذا لم تكن هناك رغبة في استمراره داخل الفريق.

قال الشحات في تصريحات تلفزيونية: “لو النادي مش عايزني، خلاص أمشي علشان أرتاح، مش عايز أعيش في ضغط كل ماتش لازم أبقى كويس، والماتش اللي بعده لازم أبقى أحسن. ده طبيعي لأي لاعب، بس الضغط بقى كبير جدًا، وأنا عايز ألعب الكام سنة اللي فاضلين براحة وهدوء”.

أضاف نجم الأهلي: “أنا خدت دوري أبطال إفريقيا، وحققت 4 بطولات من أصل 5، واستغربت إني ما أخدتش جائزة أفضل لاعب في إفريقيا، ماكنش حد فاهم، كنا منتظرين يكون بيني وبين أوفا شوبير منافسة، وفجأة الجائزة راحت لحد تالت خالص”.

تابع: “زيزو قدم موسم جيد، وتوّج بالكونفدرالية، لكن معروف دائمًا إن أفضل لاعب في إفريقيا بيطلع من الفريق اللي بيكسب دوري الأبطال، وأصلًا كان المفروض أوفا شوبير يبقى في مكان ويليام، والمنافسة تبقى بيني وبينه مع زيزو”.

يستعد الأهلي لخوض منافسات كأس العالم للأندية 2025، التي ستنطلق منتصف شهر يونيو الجاري بأمريكا، إذ يبدأ الأحمر مشواره في البطولة بمواجهة إنتر ميامي الأمريكي ضمن منافسات المجموعة الأولى، التي تضم كذلك بالميراس البرازيلي وبورتو البرتغالي.