هريدي : البناتي ” مكشوف عنه الحجاب ” – مستند

هريدي : البناتي ” مكشوف عنه الحجاب ” ..

قال عمر هريدي عضو مجلس إدارة نادي الزمالك الأسبق على صفحته الرسمية، بموقع التواصل الاجتماعي فيسبوك:

الدكتور عماد البنانى لانه مكشوف، عنه الحجاب قدم اعتذار ( وليس استقالة ) يوم ٢٤ اغسطس ٢٠٢٣ ، وده بعد صدور قرار تعيين اللجنة المؤقتة لإدارة الزمالك فى ٢١ اغسطس ٢٠٢٣ ، وكأنه كان يتوقع اقالة المدير التنفيذى بعد( ٣ ) ايام ( ثلاثة أيام ) من تعيينه أو كان متوقع فشله فى الإدارة سريعاً ، وانه سوف يصدر قرار بإقالة اللواء حسن،وتعيين سيادته يوم ٢٧ اغسطس ٢٠٢٣ !!! طبيعى فهو مكشوف عنه الحجاب !!

فااستعد بالاعتذار علشان التعيين !!

وزير سابق ورئيس اتحاد حالى واتحاد افريقي وأمين عام منظمة رياضية قارية
وتاريخ مشرف فى مجال التخصص وخبرات تراكمية لا حصر لها
يسيب كل ده ويقدم اعتذار علشان يشتغل مدير تنفيذي لمدة ( ٥٥ ) يوم بلا اجر
اكيد الموضوع فيه … انه … !!!
واحنا عارفين ليه اعتذار مش استقالة لانه بعد انتهاء المهمة الموكل بها والمعين لتنفيذها !! سيتقدم بطلب للعدول عن الاعتذار خاصة وان مجلس إدارة الاتحاد المصرى للرياضة، للجميع .. لم يقبل الاعتذار لانه لم يقدم لمجلس الإدارة وفقا للائحة ولم يعرض الطلب فى اجتماع رسمى للاتحاد ولم يصدر قرار من مجلس الإدارة بقبول الاعتذار وهو ( مصطلح دخيل وجديد على الرياضة فى مصر !! ) واللى اخترع هذا المصطلح ترفع له القبعه
لانه سيترتب عليه عودة، الدكتور البنان مرة أخرى لرئاسة الاتحاد بعد ٥٥ يوم وانتهاء المهمة المكلف بإنجازها بالتعاون مع أعضاء اللجنة اللى معروفين كويس اوى هما مين ؟
عموما المثل العامى بيقول …
اللى ميشفوش من الغربال يبقى أعمى
طيب … ايه رأي حضراتكم فى التزكية، مش افضل من لعنة الانتخابات وتقطيع أوصال النادى على مفيش ، كده كده الأمور مفهومة مش محتاجة تمكين ودوشة .. والى لقاء آخر … وللحديث بقية