إبراهيم حسن: “عدد المحترفين بيقل.. ولازم نفتح الطريق للأجيال الجديدة”

أكد إبراهيم حسن، مدير منتخب مصر، أن عدد اللاعبين المحترفين في الخارج يشهد تراجعًا في الفترة الأخيرة، وهو ما يشكل تحديًا كبيرًا للكرة المصرية.

وقال حسن: “للأسف عدد المحترفين مش بيزيد، دلوقتي عندنا محمد صلاح وعمر مرموش كأبرز الأسماء، أما مصطفى محمد فهو بيحاول، ومحمد عبد المنعم كذلك، لكن الأمور صعبة”.

وأضاف: “تريزيجيه وحمدي فتحي راحوا قطر، وده مش المستوى اللي كنا بنتمناه لمحترفيننا. إحنا محتاجين لاعبين زي إبراهيم عادل يخرجوا لأوروبا، ورمضان صبحي كمان محتاج يرجع يثبت نفسه على الساحة الدولية”.

وشدد إبراهيم حسن على أهمية دعم اللاعبين الشباب وفتح المجال أمامهم للاحتراف في الخارج قائلاً: “لازم يكون في خطط واضحة لتطوير المواهب الشابة ومساعدتهم على الوصول لمكانة محمد صلاح وعمر مرموش، لأن الاحتراف الخارجي هو الطريق الحقيقي لتطوير اللاعب المصري”.

واختتم حديثه بالتأكيد على أن العمل الجماعي بين الأجهزة الفنية والأندية والاتحاد المصري ضروري لتحقيق نقلة نوعية في مستوى اللاعبين وإعداد جيل جديد من المحترفين القادرين على المنافسة في كبرى الدوريات العالمية.