✍️ محمد الشريف
“في زحمة الموسم الجديد واللمة الكبيرة حوالين الاتحاد السكندري، دخل مجدي عبد العاطي – المدير الفني الحالي لمودرن فيوتشر – في أول اختبار صعب مع ناديه الجديد، بعدما قرر زعيم الثغر الدخول بكل قوته لانتزاعه من حضن مودرن… لكن “حيطة الشرط الجزائي” وقفت حائلًا، والنادي لسه بيحاول يفتح طاقة نور في الحيطة دي!”
“الاتحاد مش بس عايز عبد العاطي، ده كمان حاطط عينه على لاعب الفريق السابق محمود شعبان، وعايز يرجعه تاني كجزء من الصفقة، في إطار لم الشمل الكروي اللي بيقوده الكابتن محمد عمر”.
“لكن المفاجأة الأكبر حصلت جوه مجلس إدارة النادي… محمد عمر دخل الاجتماع ولقي سمسار قاعد وشارب شاي! الكابتن رفض يبدأ الجلسة إلا لما السمسار “يتكل على الله”، وقالها صراحةً: “مش هشتغل كده”.
أما في ملف الانتقالات، فالإدارة قررت تقفل باب “الأفارقة تحت السن”، “والرهان دلوقتي على ولاد النادي من الناشئين. وفي نفس الوقت، بيتم التجهيز لـ7 صفقات تقيلة لتدعيم الفريق الأول، لأن الموسم الجاي مش هزار”.
“والمفاجآت مش بس في الاجتماعات ولا في التفاوض، الملعب كمان داخل على موسم صيانة بمبلغ خرافي: 5 ملايين جنيه! وده معناه إن الفريق حيشد الرحال لفترة إعداد خارج أسوار النادي، لأن الملعب حيتقفل شهرين”.
“الاتحاد بيجهز لمرحلة جديدة، لكن واضح إن الطريق مليان حيطان سد وسماسرة على القهوة”!
01091010400 