سبب رفض إبراهيم وحسام حسن الظهور في أي برنامج يشارك فيه رضا عبدالعال

✍️ ايجيبت سكور

كشف إبراهيم حسن، مدير الكرة السابق بالنادي المصري، عن سبب رفضه وشقيقه حسام حسن الظهور في أي برنامج أو قناة يظهر فيها رضا عبدالعال.

وقال إبراهيم حسن في تصريحات عبر إذاعة الشباب والرياضة: “شغل الأونطة اللي أنت بتقول عليه يا رضا، انت اللي عايش عليه.. كلمتين أونطة بتقولهم في الإعلام هما اللي معيشينك بس والله.

ولما تتكلم عن كابتن حسام، تقوم وتقف، علشان تاريخ حسام في الملاعب والمنتخب والتدريب قدك ألف مرة”.

وأضاف إبراهيم حسن موجهًا حديثه لعبدالعال: “أنت بنفسك اعترفت إنك هجّاص، ومسكت نادي نزلته من الممتاز للدرجة الثانية، ولما فضلت معاه نزلته الثالثة، وجاي تتكلم على مدربين ما تحلم تشيل لهم أدوات التدريب!

طب طالما أنت جامد كده، ليه مش بتدرب؟ وليه مفيش نادي في الممتاز أو حتى الثانية بيشوفك؟”.

وختم تصريحاته قائلًا: “للأسف في جمهور ماشي وراك علشان بتقول الكلام اللي على هواهم، لكن أنا بقولك يا رضا.. أنت فاضي تدريبيًا، وبلاش حسام وإبراهيم عشان أنت عارف!”.